褲貴門

兩劇之爭,如果要我評分,我覺得現時為止褲貴門勝出一個馬鼻。

頭一兩集本來覺得公心計好睇,因為兩位小童星實在可愛,單單戲服頭飾也令人目不暇給。但自從大美男鄭+wing出場後,看到他假惺惺的臉已想轉台,加上姣佘扮經持,該劇已大打折扣。

至於褲貴門,各位演員的演出都令人賞心悅目,除了+in姐...

+in姐真係好嘈,佢一出場就覺得好煩,把聲又尖,又扮細路扭計,+埋果個agogo姐妹,有d難頂。

彈完鬧完,點都要讚下其他演員。

靚靚:明顯比生仔後復出拍劇後第一套的"疑情別戀"時進入狀態, 格格不入的感覺不見了,"疑"時期的肥腫身軀也不見了,加上"褲"劇中的套裝衫極靚,淨係隻錶都廿幾萬,靚靚呢個名終於可以再次名副其實。

女娘偉:同廿幾年前的丁力無咩分別, keep得好,好fit,中年無發福。d人話佢演技麻麻,來來去去得幾個表情,但我又覺得演技未到家得黎又幾可愛。

戚尾真:掂!印象中無睇過佢有演過咩電視劇,(可能我未出世)所以無得比較,但佢演人地老婆和亞媽都很稱職,覺得connie真係好愛佢老公同仔女,外表方面我覺得佢靚過瘦骨嶙峋的角可形!丁力你千祈唔好比亞angie痴情犯禁呀!

如果我到戚的年紀都keep得好似佢咁好就掂啦!

撈家:一向比我的感覺都係悶旦一名,一係就好似 "天地男兒"咁奸到出汁,但今次好生動鬼馬,特別是昨晚丁力比佐張無limit的信用咭比佢,佢就唱 "馬來亞春色碌野景致艷雅,椰樹咁鬼大碌你見過未呀?!?" 真係笑到肚都爆!

主題曲又唱得好聽喎....

所以呢,褲貴門暫時領先,公心計如果搵第二個做棋博士和三好應該會好好多。