泰食

一到假期,特別有心機煮番兩味,其實無他既,煮野最緊要有心機同時間,有了兩者,普通的食材也可做出可口的菜式。

呢味泰式香芧排骨真係非同小可,自己初頭都無咩期待,只見到菜市場有香芧、檸檬葉、黃薑等香料,不如弄個泰式口味吧!

賣相唔洗講,自已都覺得好靚,望落已經覺得好香!嘩哈哈!一試味,真係前所味有咁好味!外子話好味過mango tree呀!!!!

我又多一味拿手野!其實一d難度都無,只要有上述香料(檸檬葉起碟前才落)+一般調味料把排骨醃好,開大火爆香乾蔥蒜泥,下排骨,煎香表面以封住d肉汁,見表面金黃色轉中火炒至熟即可。最後o即少少青檸汁,搞掂!

配個青菜沙津,有葡國欖、意生菜、青瓜、紫洋蔥等,汁料有魚露、青檸、黑椒、欖油等。

一味香口、一味清新,至佳配搭也!