高球

週末連續兩天都在下雨,所有原訂的戶外活到都要被迫取消,實在無癮。

整天都在望天打掛,一邊祈求著雨快點停下,一邊弄了三碗燒鰻魚飯做午餐。鰻魚貴了很多呢, 記得第一次買時不到廿蚊, 現在竟要45大元! 好過份啊!

飯後陪中中學完空手道後,還在躊躇著有什麼好做,就在這時突然收到友人的短訊: 有興趣打高球嗎? 下雨都可以打的!

嘩!那不是天大的好消息!下雨都有波可打! 納悶的心情即時全消! 高球?未打過喎, 試試看看也好。

即時拋下自己架爛車, 跳上友人的名驅,驅車直往路環高球俱樂部,途中接載埋在家中在電視機前坐到快要發臭的中爸。

曾經自言一切用支長型物體打圓形球體的活動都好快上手的我, 發覺原來高球並不是想像中那麼容易駕馭得到。

球杆個頭又細,個球仲細,打了好幾次都是打空氣,挫折感頓時升上歷史高位。

中中反而打得幾好,命中率較高,友人說小朋友重心低是比較容易打中的。中爸說他在十多年前打過一次, 今次第二次打, 個波已經可以被打到飛至另一個山頭, 我真係又羨慕又妒忌!

隨後返會所梳洗扮靚後,友人更宴請我們一家五口大擦鮑魚龍蝦餐! 美味豐富的一餐唯欠了一點飯後甜品。

回家看趕得及超級巨聲2,我和中看見miss chan chan和mr lun lun身旁那盒冰皮月餅,大家不約而同都話 “好想吃啊!”