威記的網球爭霸戰好像已成為了每年秋季指定節目,搜尋番2008年的 “網戰”網誌, 我是這樣開頭的…
“嘩!點解一年過得咁快架?”
今年難道又要這樣開頭? 雖然我真的感覺時間飛快!回顧這幾多年在同一地點拍的的照片,在球場裡的中中已由幼兒變成了小童!
眼見今年的入場率只得大約四成左右,但我覺得是歷年來最精彩的一次!入場率低的原因相信是四位球星的知名度不及早年來過的費特拿、森柏斯、麥根萊等人,但他們落力的表現令在座每位球迷相當滿意!
最特別既係今年有幸做佐VIP,每逢中場休息都有西裝友走到身後問我們想要些什麼喝的吃的,爽! 但我眼角望到全程身旁兩米之內身旁有多個G4, 有一次我和其中一位四目交頭, 他的眼神好凶狠……
現時世界排名第五、四位之中我最喜愛的Soderling(蘇打令),他真人比在電視看高大威猛得多呢!
還有現時世界排名第六、最惹笑搞鬼的廸維丹高、現時世界排名第七、四位之中最靚仔的貝廸治及現時世界排名第十、最落力、最想嬴的費拿!唔知係咪都係西班牙人的關係,同拿度一樣好似有一股過人的拼勁。
在這樣的一個日子,小城中的大部分網球愛好者都會濟濟一堂,在場館中環顧四周都會見到一些志同道合或久未遇見的熟悉臉孔,很是有趣!
眼利的中中竟然見到對面觀眾席有熟人(紅圈者),我們都不知道他們也愛看呢!
紅圈中的一對恩愛夫婦,幸運的他們竟接到了蘇打令送出的簽名網球!實在令人羨慕不已!
還有一向鐘意打網球、年年都出現的淨家泳和角進on都黎佐, 我們都在質疑全香港娛樂圈中云云小生中是否淨家泳最好波呢?聽說塵蠔都打得唔錯的,點解唔叫佢黎呀!?!
話說回來威記的marketing 真的做得好足,人流永遠絡繹不絕,它總給你一個原因來走走逛逛消費下,年尾醫神又黎開演唱會, 最靚位只是$788包來回船票,真係一d都唔貴咯!
至少它也為我們帶來了每年一度世界級球手來比賽,帶給了足夠我們期待+回味整整一個星期的一個週末好節目!
沒有留言:
張貼留言