
由金草莓視帝昏迷主演的「烈火紅心三」,劣評如潮,加上本人事忙,未能專心追看電視劇,難得昨晚有點時間便欣賞之,赫然發現黃皮的演技歷久常新,繼上次「爹爹」一片震撼人心以後,我又再一次折服於黃皮迷你的眼神之中。
不過在讚揚黃皮的同時,不得同時描繪昨晚的劇情發展。黃皮大概是在行大運,雖然黃皮接劇的要求高,要揀劇本,但幸運地他揀的每次都是難得一遇的爛劇,而且都是演一些「絕種好男人」,正好切合其擅長的「災難」的風格演出。
好,開始!
說話黃皮唔知點解陪冏兒去還大耳洞,還很MAN地同個屎戲大耳洞講數,這場戲寫得好妙:
大耳洞一邊迫他們「即刻還錢」,一邊卻叫他們「唔准走」,唔知佢想點。ANYWAY,黃皮挺著巨胸代弱質纖纖的冏出頭,豪邁地說:「一口價,十三萬!」(此時我不禁想起強尼結婚那天的伴郎「阿財」,不過此乃後話)大耳洞突然軟化,大概他其實只打算收十萬,然後就說「係咪你孭先!」黃皮拿出自己的消防員證件說自己是消防員,所以會還錢。大耳洞竟說:「好,如果你唔還錢,我去消防局搵你!」就放了人。勁,此大耳洞一定有追開「烈火」知道去邊間消防局搵到黃皮,好彩佢唔係直接話「我去TVB搵你」。
由於呢場戲的對白實在太精采,我不得不認真地重看然後節錄如下:
洞:你得三萬?利息都唔夠還啦!
皮:你要幾多丫,我落去禁錢比你。(嘩史上最順攤的債仔)
洞:唔准走,你估我呢度公園牙,自出自入!(下,你要錢定要人?)......今日唔還錢,唔駛旨意行出呢個門口!(咁你唔俾人禁錢,今日點還?)
皮:咁我聽日去銀行裸錢比你。(下,點解會係呢個結論?)
洞:聽日?聽日就三十萬!
皮:欠債還錢係應該,但你收咁高息,我可以報警告你放貴利!
洞:報警?你出得呢個門口先算?(下,又黎?究竟唔出門口點還錢?哦,網上理財!)
皮:你唔放我地走,你就一個仙都冇......一口價,十三萬!
洞:係咪你孭先?
皮:呢張係我消防證,我係消防員,保證唔會走數!(火速把證件閃過洞的面前)
洞:我認住你,你唔還錢,我去消防局搵你!(咦,又唔驚佢報警了?)
第二天,黃皮被那大耳洞毆打(BTW,那大耳洞仍穿著前一天的黃色衫去打人,很不合衛生),原來冏的舅父沒有還錢。幸好,此時警察出現,拉左大耳洞一干人等。
時光飛逝,黃皮和護士去買香水,我和男婉不約而同曰:「咦,咁即係筆數唔駛還了?嘩借大耳洞又幾爽喎!」
冏某天巧還黃皮,大家展現事過境遷的愉悅,對話亦妙:
皮:(講完一堆寒暄說話,似為找話題而說)係喎,搵番你舅父未?
冏:搵番啦,原來佢上次拎左D錢過大海,點知輸晒,我地都一齊鬧佢。(語氣好似鬧個細路好偷睇電視咁慈愛)佢而家冇錢,LAY埋響深圳呀......
乜話???
原來真係一直冇還錢,點解佢地仲可以響度談笑風生?男婉曰:喂我而家覺得個大耳洞好慘喎,點解D債仔可以唔還錢咁風騷?
話口未完!
二人一落到樓下,個大耳洞又出現(今次換左衫),強行把他們帶到荒山野嶺的一間木屋。大耳洞憤怒了,一野將佢推埋牆,要打佢一身......但靈異的事出現了--
黃皮的背面,竟然出現一張起碼95%NEW的藍色有口HELLO KITTY床褥!!!!!!

唔係下嘛??!!!此大耳洞真係好SWEET、好貼心!但好戲的黃皮依然不忘露出「頂著全世界委屈及痛苦」的災難表情。
(未完待續)
烈火第一二集好好黎架,唔知點解呢集好難頂,加入佐嘉wing更悶,冏兒又騎呢喎,e家我淨係睇黃中窄架咋,其餘時間轉台。
回覆刪除扁姐
[版主回覆08/18/2009 11:46:00]我睇百卦雜誌,話好似因為要賣劇去大陸,所以拍得愈爛愈好。冏兒真係好騎呢,佢好似除左「善良」同「愚蠢」以外冇乜性格。你轉左台又點知佢幾時播黃中窄?
扁妹
我等你個金草莓頒獎典禮等咗好耐喇,幾時有呀?黃皮真係好好戲呀!今屆實係佢攞金草莓視帝啦! 我都有留意張Hello Mimi牀褥,新到連膠紙都未搣,佢哋真係錫住黃皮,驚佢銀親個背脊! 仲有一幕,當佢救返冏兒,冏兒响醫院醒返,個個都只顧住冏兒,冇人理受咗傷的黃皮,黃皮功成身退,黯然離開病房後,佢隻腳痛到即刻要坐落地,然後乾哽咗數粒止痛藥,再扒响地下向前爬埋牆邊一角,嗰種肉體同心理嘅痛苦佢真係表現得淋漓盡致! 另外我冇睇大結局開頭,我想知點解黃皮可以入火場救人?佢嘅義肢唔怕熱同怕熔咩? 快啲寫埋篇「下」啦~ 尼爾
回覆刪除[版主回覆08/18/2009 11:44:00]可惡尼爾,你爆左我「下」的部份內容出黎呀!!!黃皮黯然離開病房那幕也是振動我心的一個場面!!
唉,我而家邊有時間追爛劇,其實烈火大結局我都冇睇,我只係隱約看到黃皮入到火場,已經眼都凸埋....有時間等我睇番,睇下有冇好野?金草莓我絕對想選黃皮做男主角,不過我冇機會睇其他人演出,會唔會對其他人好唔公平呢?
HELLO美眉床褥我之後認真諗過,我懷疑佢地係特登搵張藍色床褥黎做Chroma key,咁後期remove左塊褥,key番d火呀、荊棘呀咁,來突顯黃皮之苦,可惜拍完之後大家都忘記左,變左黃皮響張咁kawaii的床褥上面比人打。可憐黃皮。
through the small screen at the corner of the TV to see Bosco ar ma. Anyway I found out that I'm not the only one skipping the boring parts and just see Bosco. I'm not alone..hahah
回覆刪除bin che