邊個SEND阿媽俾我?

話說有一日舊同事「皮」MSN一個ZIP FILE給我，問：「呢個係咪你阿媽？」可惜到我回到電腦時，她已經OFFLINE，FILE傳不成，心裡一直好奇，FILE入面點解有我阿媽？而且「皮」為甚麼會認識我阿媽並且將之收在FILE之中？

今天終於見她ONLINE，
我：你係咪見到我阿媽？
皮：你係咪搵錯人？
我：係你喎，你上次話SEND我阿媽俾我。
皮：唔係我喎。
我：係你喎！

結果糾纏了好一陣子，她還因此打電話給我，澄清說：「雖然，我諗我對你阿媽個樣都有少少印象，但我真係冇SEND過你阿媽俾你」，那我唯有罷休。

各位，究竟是誰要SEND我阿媽給我？快為我解開這個騎呢的謎吧！

還是，我又在發夢了？



後記：

謎底已解開了，原來...這是一個病毒來的，透過中毒者發放msn，引人接收病毒，好彩沒收那zip file。大家以後小心這個「阿媽」病毒啊！！

另外，大家在閱讀「表姐妹日記」時，可否先看清楚一點，題目下方是寫住「表姐」還是「表妹」呢？

個案１：某天

肥雪：喂，點解你要學獨立既，你覺得你好唔獨立咩？
我：......果個係我表姐來的，唔該。

個案２：今天

男婉：你同我提下你表姐，佢部電腦中左毒。
我：......果個係我來的，唔該。