＜咁就星期一，咩事？＞之回憶周六

我開始懷疑有靈異事情在我上發生，我的星期六日肯定不足48小時，一到了星期六，轉眼便是星期一。

周六：

10時多便起床，因有重要的事要做！好開心呀！一切都好順利！
這天幾乎都在男婉家度過，有趣的是，你猜下午時誰來了？是蒲！
「你是我第四個帶回家的女人！」男婉煞有介事地告訴蒲，彷彿蒲頭上要因而出現光環。但實情是，蒲是山長水遠來到他家為他的姨甥女補中文的，然後又山長水遠回家湊（家姐個）仔。蒲真是有心，對教學也是有熱誠的，當她學生還是挺不錯的......只要別惹惱她便可，尤其不要踫她的水杯。
anyway，謝謝蒲！

補完習後，肥雪和「duck熊」剛好在尖咀玩完，那我們就短聚了一會。「duck熊」是繼「卓懸疑」之後另一我目中的「妙人」。「duck熊」的妙，在於他會把你每句說話都仔細咀嚼並認真地回應，盡管你只是隨口up，他也會給予一定的反應，實在妙不可言！例子有二：

一）吸毒
我（真係隨口up）：究竟係邊個歌星吸毒即？
婉：咩吸毒？
我：今期狒周話有歌星吸毒丫嘛？duck熊你知唔知？
熊（非常認真）：哦，呢期我未睇，睇完話你知！！

我：會唔會係xxx呀？
肥：xxx係基督徒黎喎，基督徒唔係唔可以吸毒咩？
熊（認真且肉緊，皆因他是虔誠基督徒）：唔係呀，基督徒可以吸毒嫁，有自由意願的呀，你唔洗因為唔可以吸毒而唔做基督徒！吸得嫁！！
我：（已經笑到收唔到聲）

二）好人
肥：（類似係我/婉話佢唔係好人，因而作出反駁）咩呀，我唔好人？duck熊（滿有信心地），你話佢地知，我果日做左咩好事！！
熊：你？（認真地思考良久）嘩，你果次幾衰呀......仲有呀！......（下刪數百字，內容包括好幾個證實肥雪好衰的例子）
此刻，肥雪已經無奈得雙眼反白，而我亦笑到雙眼反白，但duck熊仍像缺堤一樣狂數肥雪糗事。

 

每次踫到妙人，總是感到心花怒放，覺得妙人們實在為這個枯燥的地球添上色彩！和男婉談起，其實我們身邊的妙人也挺多的，例如強尼，作為一個高級銀行界精英，竟然是不懂理財的，而且舉動滑稽，說話奔放；例如嫂，她表面上是一個正經八百的中文科老師，實際上他經常暗自做一些瘋狂的事，例如獨個兒去唱K、一分鐘內買鞋、「東窗事發」......瘋癲如本人，亦覺不可思議也。

說起來，我身邊的人表面上都是挺正常的人，但內裡卻騎呢之極，大概就是物以類聚的意思。