不變定律

小時候，那些帶著孩子去聚會的大人最喜歡做甚麼呢？

「你果個幾多歲呀？10歲？我呢個又係喎！」
「邊個高d呢？」
「你兩個，企出黎度下高！」

這是我「十大童年陰影」之一，因為我每次都是較矮的那個，有時候年紀比我小的也高過我，每次我都只有以帶罪之身回到座位去繼續發呆，暗暗自憐。「你要食多D野啦！」「唏，揀飲擇食，邊有得高。」「瘦過非洲饑民。」「你對腳兩條藤咁，唔該唔好著單車褲，我見到就驚...」

「十大童年陰影」之二，就是我媽叫人估我的真實年齡，最離譜的那次是，我讀中一時，有個人估我讀小三，「開估後」，那人掩住張大的咀巴當我ET咁打量。

以上事情自從我正式發育長高後已經甚少出現，而我的真實年齡已給我自行減去一截，不用別人代勞。但昨天一次歷史性家庭會面，卻又案件重現，不過，由於我並非受害者，而且是「威力加強版」，所以教我至今仍在回味...終於明白了，原來只要自己並非受害者，這樣的「比較」是十分有趣的，嘩哈哈！！

先是我阿嫲向新相識介紹自己個孫女：「呢，呢個XX，佢四十幾歲啦！」
新相識亦指著自己個女：「哦，我呢個都差唔多！」

Deadair，寒暄一輪，又黎料。

阿嫲又談起那四十幾歲的孫：「佢個仔讀中二。」
新相識：「我呢個個仔都係中二，仲有個女中五。」
「佢地兩個邊個大D？」阿嫲指著那兩個已為人母的中年女人，二人一面尷尬。
老人家有命，二人唯有暗以「生肖」比較之，結果發現我嫲的孫女較大。

「你老過人地，但係人地個女已經中五，你個仔先中二。」伯娘肆無忌憚高聲說。

諸位，原來這樣的同齡比較遊戲並沒有在你人生中結束，「變奏版」、「威力加強版」將會隨時出現，請做定心理準備！！