唔該幫幫手

從哪時開始，滿街都是行善的機會，童軍喜訊。

已經不只一次給人纏著，面容扭曲：「唔該幫幫我......填份form，好快，一分鐘！」我知道做這種兜客的工作實在是很苦的，日曬雨淋，但恕我無能為力，真係幫唔落，甚至有點反感。老闆給你人工，是想你把公司的產品或服務推銷給別人，不是「要人幫幫你」。你連自己代表甚麼公司，為何要填form也不解釋半句，一黎纏住人兩條街乞求別人「幫幫你」，直情係侮辱自己的工作。最討厭的是那些一派「爛仔」態度的，實行在你前後左右不斷盤旋，阻你去路，以懶惹笑的口吻說「小姐幫幫手丫小姐小姐小姐小姐」，成件事......唉！

最近打算申請某銀行信用卡，網上申請加送兩張電影票，途經roadshow，看看有甚麼額外的禮品（貪心囉係呀），誰知連電影票也沒有了，問：「咦，咁網上申請咪仲好？」，那女推銷員竟然上身，柔聲說：「但而家申請可以幫下我丫嘛！」我竟然嚇到不懂回應，幸好那女的也突然清醒，發現我係女人，嗲不來，有點不好意思地退下了。

天呀，幫幫我，唔好要我幫幫你好冇？