盲牛嘉年華

今日帶同男婉的姨甥到添馬艦的盲牛嘉年華，其實機動遊戲幾好玩，門票又合理，還奉送每人廿多枚金幣掟公仔，連我這些孤寒精也能一嘗「掟公仔」這奢華的玩意兒......不過，最想記下的倒不是這些，而是在嘉年華遇上的種種奇人異士：

在「掟波入桶」攤位躍躍欲試，主理的男人甚為有趣。
趣男：「你地咪玩啦，入唔到嫁啦，去第度玩好過啦......」、「D公仔咁靚，點會俾你咁易掟到丫。」
有一秒覺得他只是好心一提，不過一場來到還是玩它一玩吧......
趣男：「你唔到後悔呀！」
阿趣男，我錢都俾左啦，你何解嘈鬼住晒即？
（第一球失掉）趣男：「拿，咁就冇左5蚊啦！」
（第二球失掉）趣男以怨恨地目送我們......好像我吃了他10蚊。發生乜事呀?

「屁股滑梯」攤位，我還以為自己去了集中營。
往樓梯走，某員工成大個墊子朝我飛過來，好彩接得住。到達頂端，主理的肥男大將軍上身，指令眾人坐下，但方法很型，不用說話，向你「噠手指」便行，勁威。幾秒間SIR了下去，下面的更兇，大叫「離開」、「走」。嘩，大家係咪搞錯左少少野？

去問「攤位A」的主理人：「D膠袋響邊度拎?」他答：「冇。」
去問「攤位B」的人，在他20cm範圍內「唔該」了三聲，可以全無反應，原來該男忙於搞自己個bag支益力多，眼都突！

去玩「激流」，男婉欲將一大包的公仔放在旁邊，主理的兇男一手撥開他的袋，野都費事同你講。

似乎香港最頹廢的人都跑到盲牛加年華做事去，認真濟濟一堂：躺在椅上如豬肉一噸的「機械控制員」、面目猙獰/黑超米雪樣的「禮物小姐」、講野冇諗住你要明的姐姐仔......我係咪欠佢地錢？

好驚呀！