近來總是被一些不切實際的幻想困擾。
剛剛收到薪俸單,猛然發現多了一細項 : 年資獎金。
根據正苦公職法律制度, 做滿每五年便有一份年資獎金,十年兩份,十五年三份…如此類推。
不經不覺原來我已經在正苦浮沉了五年的光境。
但近來經常有想 “唔do” 的感覺, 覺得自己位處於一個樽頸位,唔上唔落。又覺得自己好似唔係好適合做此類型的工作,總之比自己多多借口。
回想起來最開心的是人工最少的那一份 (真係犯賤), 一班人整天沖鋒陷陣, 每天應付著一批又一批奇型怪狀的刁民和良民,每每看到社會上不同階層的人原來有著不同的小故事和遭遇,從而也感到自己原來實在幸福得很。每天看到的小故事,回到家又大有文章可以分享。但現在,身邊的人問到工作如何,我真係諗唔到有咩有趣逸事可以分享。
現在整天可以一個字都不說,除了 “早晨”以外。獨立工作可能真的不是我杯茶。原來我個人真係幾依賴,總是要有人guide住著才放心。記得老闆講過,開頭幾年還可以有少少依賴,但過幾年仲係咁就唔得。死啦, 都5年啦,點算呢? 有d野真係性格生成的, 由細依賴到大的我,無可能可以變得好獨立,特別係工作上。
如果真的唔do,我又可以做d咩呢?講真自己又真係無咩特別技能。還是試下轉換環境? 轉佐條路又會係點?呢個問題真係找不到答案, 但可以肯定的是絶對不會像現在那般安逸。
發表前剛好老闆call 了給了少許指引 (但都是虛無縹緲的), 心情總算好了點, 我就是這樣的一個需要被人push被人guide住才有安全感的人, 難道她終於都感到我被冷落了而感到不安?
沒有留言:
張貼留言