從OL都C9

上個週末又過了一天做C9的日子。

8:00AM:一早起來,幫中中穿好賀年裝(其實只是棉襖一件),帶他到學校表演。

9:00AM:難得觀看他上課的情況,又和其他同學仔媽咪聊聊天,感覺很C9,但又好ENJOY喎。

10:00AM看完表演,趕快到街市買菜,因為中中一直懇求我為他親自弄午餐飯盒,今天誓要完成他的心願

10:30買餸期間吃了我的週末至愛早餐豬雜貴刁,正!

11:00回家洗菜做飯,洗洗切切,忙個不停,因為要趕緊12點前把飯盒送到學校。

11:45AM終於完成了這個三低一高飯盒,如假包換的三低一高,少油少鹽少糖多菜,有茄汁蝦、西蘭花和雞蛋

12:00NOON到達學校,中中看到愛心午餐好開心,立刻祈禱開始吃午飯。

12:15PM回家後,立刻開始今天的主菜,西班牙海鮮飯!早上已買好的海鮮,有青口、鮮魷、基圍蝦、蜆

再加

花蟹一隻  和

日本大帶子

西班牙海鮮飯最重要的當然是飯,要有ITALIAN ARBORIO米

13:30PM開飯啦!原來呢個飯一D都唔難弄,只要先炒香蒜、洋蔥、蕃茄,再加入米炒至每一粒米都沾滿油份,再加入海鮮上湯慢火煮至飯差不多熟,最後加入自己喜愛的海鮮及三色椒便可!

14:00PM個飯唔夠湯,不過味道超得,同餐廳有過之而無不及。二人都以為咁大鍋飯一定吃唔哂之際,最後竟然擦哂!

14:30PM吃杯哈根大師,再午睡一會,好月巴啊!!!!!

15:30PM接中中放學,回來他竟然話要吃剛才的LUNCH BOX做下午茶!真係好賞面喎!...都係食個飽算啦....

16:00PM玩一陣,就要換衫去打球了

16:30PM~18:30PM送中中去上網球課,我自己又去打球,各有各打!

19:00PM打完球,爽!回家洗澡,再睇亞記的"MACAU五百年",強烈推介這個好節目,真係超好睇!

20:00去和花亭吃壽C

21:30回家覺豬,是日C9日完成

總結:間唔中做一日C9都幾好,不過買餸最辛苦,揪到我CC下,已決定下次唔買咁多貝殼類做西班牙海鮮飯,同埋要加多D湯!