小週末買了兩樣新玩具,焗爐和電動打蛋器,學人整蛋糕。
近期榴槤當造,中中又超愛吃榴槤,順理成章便做個榴槤蛋糕。
我們母子二人下午夾手夾腳整餅,打蛋、篩粉、放糖、牛油、和一大舊金枕頭,(好似玩緊cooking媽嘛咁)放進焗爐,調好時間, 我們便趕到球場打球去了。
回到家,嘩!好香呀!賣相都算係咁,哈哈!
大家有無發現好地地一條蛋糕上會有一個洞?
原因是當我在把蛋糕放涼、不為意之際,已被中中呢個榴槤迷偷吃了一口!激死我啦!
味道相當唔錯,仲見到一絲絲的榴槤,真係真材實料架!不過唔夠鬆化,下次要落多d泡打粉先得,老公已落了柯打下次做brownie! 不過起碼要等到下星期先有時間再整餅了!
終於完成了第六科，向「畢業」的目標又邁進了一小步（唔係肥卦...我諗...）。今次讀的也是「漢語」，不過是關於「語音和文字」，若然不是必修科，我想我大概不會讀，但也慶幸它是必修科，因為其實它比想像中有趣。
語音和文字，是我們熟悉不過的東西，每天我們說的每句說話都是「語音」；現在我打的和你看的，都是文字，但原來這一切看似理所當然的東西背後都大有學問。最有趣的是當了XX年廣東人，現在才正式去接觸粵語拼音（但考試也是慘敗在這一方面），明明懂得讀的字，反而要去看它的拼音來拼讀。本來，覺得都幾無謂，但經過一番煎熬，又覺得幾搞笑，原來粵音皆有其規律，某些聲母、韻母和聲調是水火不容的，但隨著社會演變，又會漸漸出現新的音，又淘汰一些舊的音。
對我來說，最大的感受是關於「懶音」的。「懶音」從來都是被譴責的，例如「吳」不應讀成「唔」
未完
除了網球之外,都想安排另外一樣活動比小朋友玩下,廢事成坐度睇電視。
考慮過時間、地點及年齡限制等因素, 以下幾個活動都在wish list之內, 包括:
1.體操、2.壁球、3.游泳、4.溜冰
第一項比中中老豆banned佐,因為佢話玩體操會變矮...(其實係咪真既呢?)
第二項其實只不過中中老媽子鐘意,而且又擔心會影響到網球的動作和步法..
第三項就因為今年5月都好似仲有少少涼,都係等暑假先學好了..
最後當然就係揀佐...................
溜冰!
呢樣其實都係因為中中老媽子鐘意,諗住第時可以一齊溜,且家裡也放了一人一對滾軸溜冰鞋,唔學識佢難道長年放在家中發霉麼?
結果中中也很喜歡呢!第一堂已學會了自己不用教練手扶住可以自己在冰上踏步!
YEAH!等你再上多幾課後,我又會穿上溜冰鞋一齊溜了!
童話一
話說那天去完 “豬肝論壇”回家後, 電視新聞正報導有關該論壇的新聞片段。
媽媽說: “你快d睇下電視睇下見唔見到媽咪啦!”
仔仔用心、認真的在瑩光幕上找, 邊找邊問: “你今日係咪聽佢講story呀?”
媽媽: “嗯…………….” 某程度上都係既…..
童話二
曾經何時仔仔很喜歡看MJ的演唱會dvd, 他更想過要去演唱會度睇佢。
媽媽說: “MJ已經死佐架啦,唔會再有演唱會。”
仔仔: “佢點解會死佐架? 係咪成日掛住跳舞呀?
媽媽唯有就食住上 說: “咪係咯!成日掛住跳舞、唔肯食飯、變得好瘦又唔夠營養所以死咯。”
事隔一段時間, 近來仔仔愛上看SAMMI演唱會,睇到識背哂D出場次序和歌詞了。
突然有一天, 他帶點傷心地問 : “咁SAMMI 依家係咪都死佐呀?”
媽媽: “……………..”
好好笑
搬新屋時見到有個生鏽鐵章，男婉死都要show出黎，原來係歷史文物（下圖右二）：
左一好似粒鈕，左二果個幾decent喎，右一都靚......原來男婉果個最唔靚。生不逢時。
不過算啦，做過prefect都算係咁，我都未做過。
BTW篇報導條題都算頂癮：「讀書勁追女渣 橋屍仔出名薯」
唔講以為又有大鑊野發生，原來係報導學校創校快將150周年，實情係威水野。
不過都唔奇，近年勁懷疑生果日報高層係「拔水」人，無啦啦一篇有關「拔水」的小新聞可以做頭條，今日拔完聽日又拔，變左「生果拔報」。得閒搵番D例子俾大家睇！食飯先。
